La bogonela l'è una roba giala,
tuta piena de pocio molesin,
che vista da lontan, la par 'na bala,
che cora in pressia: ma la va a pianin...

La ghe mete du giorni a far 'na scala
e la fà quatro tape per scalin ....
Ohe! siora bogonela, dove vala?
vado par acqua ... S'à impissà el camin ...

La me morosa, invesse, o Dio, la core
che l'è la ferovia de casa nostra;
se ghe disì de star sentà, la more..

Ma se da g'ò da contar la verità,
la bogonela, i corni la li mostra,
e me morosa invesse la li fà!

HOME